كان مرة واحد عاوز يشترى حمار فراح السوق
ولقى واحد واعظ بيبيع حماره فهو حب يشتريه
وطبعا بما انه حمار الواعظ متربى بطريقة مخصوص يمشى بهليلويا ويقف با مين
فالراجل عجبته الحكايه وركب الحمار قال هليلويا الحمار مشى امين راح الحمار وقف
راح اشترى الحمار
وف مرة من المرات سافر بيه قال هليلويا الحمار مشى
وهو ماشى صلوا عند حفه جبل و الراجل نسى الكلمه اللى بيقف بيها الحمار
يس اقف مفيش ياكنيسه يا ملايكه مفيش
الراجل اتأكد خلاص انه ميت ميت
بيصلى الصلاه الاخيرة "يارب سامحنى على جميع خطاياى ونجينى.. امين"
الحمار سمع كلمه امين وقف عند حفة الجبل
الراجل من شده الفرح قال هليلويا
-----------------------------------------------------------------------------------------------------------
تعريف الزوجةغلطة وورطة وطول العمر ربطة .. يتصيب ينخيب يتجيبلك جلطة
---------------------------------------------------------------------------
الزوجة بتقول لزوجها: مبرووك هنبقي تلاتة ف البيت
رد الزوج بسعادة: حاجة جاية ف السكة
قالتله: لألألأ ماما هتعيش معانا
----------------------------------------------------------
مرة 3 عيال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين
----------------------------------------------------------------------------
مدرس حساب سأل طالب لو كان علي أبوك دين 1000جنيه و مطلوب انه يسدده علي 10 أقساط ها يدفع كام في كل قسط؟ رد الولد مش هايدفع ولا مليم ... فقال المدرس : اقعد يابني ده انت مش فاهم الدرس كويس... فرد الولد : ده انت إللي مش فاهم بابا كويس يا أستاذ
----------------------------------------------------------------------------
واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم ياجدع